17:00 - Պարգեւավճարների վերաբերյալ փաստաթղթեր չեն թաքցվել. քաղաքապետի մամուլի խոսնակը՝ Խաժակյանի գրառմանը         16:35 - Տեսանյութ.Ինչպես են ոստիկանները գիշերը շուրջ 30 պոռնիկների բերման ենթարկում      16:15 - Առաջիկա տասնամյակում եւս մեկ կորոնավիրուս կհայտնվի․Մարդկանց իրական թիվը կարող է 10 անգամ ավել լինել, քան պաշտոնական թվերն են    

30 մար 2020 13:56

Հոգեբանը բացատրել է՝ ինչու են մարդիկ այս օրերին զանգվածաբար զուգարանի թուղթ գնում. Daily Mail

Կանադական Բրիտանական Կոլումբիայի համալսարանի հոգեբան Սթիվեն Թեյլորը հայտնել է, թե ինչն է կորոնավիրուսի համավարակի պայմաններում մարդկանց ստիպում զանգվածաբար զուգարանի թուղթ գնել, գրում է Daily Mail պարբերականը։

Հոգեբանի խոսքով՝ մարդիկ վախենում են վարակի՝ իրենց փոխանցվելուց և դրա հետևանքով ակտիվանում են զզվանքի զգայարանները։ Իրենց մաքուր պահելու կարիքը մարդիկ բավարարում են մեծ քանակությամբ ոչ միայն զուգարանի թուղթ, այլ նաև մաքրող անձեռոցիկներ և ախտահանող միջոցներ գնելով։

Համավարակի պայմաններում մարդկանց հոգեբանության ոլորտում մասնագիտացած բժիշկը նշում է, որ զուգարանի թուղթը «անվտանգության պայմանական խորհրդանիշ» է դառնում, որը մեղմում է մարդկանց՝  վարակվելու վախը։


Դեռևս չինական Ուհան քաղաքում կորոնավիրուսի համաճարակի սկսվելու ժամանակ բժիշկ Թեյլորը համավարակի ժամանակ մարդկանց հոգեբանության մասին գիրք էր հրապարակել, որտեղ մանրամասն ասվում է, որ նմանատիպ վարքագիծը բնազդային է և հատուկ համավարակային ժամանակներին։

«Զզվանքը տագնապի մեխանիզմ է, որը ստիպում է խուսափել վարակից, օրինակ՝ եթե թքով պատված ձեռք տեսնեմ, ապա դրան չեմ դիպչի, զզվանք կզգամ, որն էլ կպաշտպանի ինձ վարակվելուց կամ այլ ազդեցություններից»,- նշում է բժիշկը։

Մեծ Բրիտանիայում այս օրերին զուգարանի թղթի դատարկ վաճառադարակներ տեսնելը սովորական բան է: Երկրում այս ապրանքի խոշոր արտադրողները ստիպված են դրանց պակասության հետևանքով մեկ փաթեթով սահմանափակ քանակությամբ թուղթ վաճառել։

Մեկնաբանություններ

Համընկնող լուրեր