Հայաստանում կցրտի, ձյուն կտեղա          Պատկերացրեք, պարտվելուց հետո Բրիտանիայի պաշտպանության նախարարը գնար պարի դասերի, որ հարսանիքին լավ պարեր       Էրդողանը վերահստատել է, որ Թուրքիան չի հրաժարվելու ռուսական ՀՕՊ համակարգերից    

14 հուն 2022 13:48

Վերջում կանգնեցրին փաստի առաջ. սուսուփուս, գաղտագողի, ժողովրդին խաբելով

«Հրապարակը» դեռ օրեր առաջ էր տեղեկացրել, որ գազի սակագինը ապրիլի 1-ից թանկանալու է: Այս տեղեկությունը մեզ հետ զրույցում հաստատել էր նաև ՀԾԿՀ նախագահ Գարեգին Բաղրամյանը` նշելով, որ նախադրյալներ կան, որ «Գազպրոմ Արմենիան» հնարավոր է գազի սակագնի փոփոխության հայտ ներկայացնի:


Եվ թանկացման հիմնական պատճառը, ըստ Բաղրամյանի, կալորիականության ճշգրտումն է, քանի որ մեզ տրվող գազը իր գնի համեմատ ավելի բարձր կալորիականություն ունի: Այսինքն` մենք սահմանին ստանում ենք գազը 165 դոլարով, որը նախատեսված է 7900 Կկալ գազի համար, մինչդեռ նույն գնով մեզ հասնում է միջինը 8300 Կկալ գազ:  Եվ սա պետք է ճշգրտվի, ինչն էլ կարող է գազի թանկացման պատճառ դառնալ: Բայց Գարեգին Բաղրամյանը վստահեցրել էր, թե սահմանին գազի գինը չի բարձրանալու, մնալու է նույնը, երկրի ներսում սպառողներին հասցվող գազն է թանկանալու` պայմանավորված ինչպես կալորիականության ճշգրտումներով, այնպես էլ «Գազպրոմ Արմենիայի» ենթադրյալ ծախսերի ավելացմամբ:


«Գազպրոմ Արմենիայից» Hraparak.am-ին անորոշ ու ցրողական պատասխան էին տվել սակագնի փոփոխության հայտ ներկայացնելու վերաբերյալ, որ երբ անհրաժեշտություն լինի, այդ մասին կհայտարարեն: Մեզ տված պատասխանից երկու օր չանցաժ` «Գազպրոմ Արմենիան» Azdarar.am կայքում սուսուփուս, կարելի է ասել` գաղտագողի, սակագնի փոփոխության հայտի վերաբերյալ ծանուցում է տեղադրում, որտեղից երևում է, որ և սահմանին է գազը թանկանալու, և սպառողների համար: Եվ այդ ամենը դարձյալ «գաղտագողի» բանակցված ինչ-որ միջպետական համաձայնագրի շրջանակներում, որի հետևում փոխվարչապետ Մհեր Գրիգորյանն է կանգնած:


Նա այս ընթացքում պարբերաբար վստահեցնում էր, թե գազի թանկացման մասին դեռևս որևէ որոշում չկա, կամ ուղղակի ցրում էր հարցը` չհստակեցնելով, թե ինչ են բանակցում ռուսական կողմի հետ: Վերջում կանգնեցրին փաստի առաջ` ժողովրդից թաքուն բանակցել են մի բան, որի մասին այսօր չեն կարողանում ուղիղ տեքստով հայտարարել: Փաստորեն, եթե 2020 թվականը մեզ համար Արցախը հանձնելու և հազարավոր զոհեր տալու տարի էր, 2021-ը` իբրև թե այդ ողբերգության հետևանքները հաղթահարելու, ապա 2022 թվականը այս իշխանությունների թեթև ձեռամբ լինելու աննախադեպ թանկացումների տարի, այդ թվում` գազի, ջրի, հոսանքի սակագների էական բարձրացման, եթե, իհարկե, նոր զոհեր ու նոր տարածքների կորուստ չունենանք:


Մեկնաբանություններ

Համընկնող լուրեր