Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

08 հուն 2019 10:44

ՄԱԿ-ում Հայաստանի աննախադեպ քվեարկությանը հաջորդեց Ախալքալաքում պատահած միջադեպը.Դա հարվա՞ծ է Հայաստանին.«Ժամանակ»

«Համացանցում տեղեկություն և կադրեր են տարածվել Ախալքալաքում տեղի հայ բնակչության և ոստիկանների միջև լարված միջադեպից: Ըստ տարածված տեղեկությունների, ոստիկաններն անհամաչափ բռնություն են գործադրել քաղաքացիների նկատմամբ: Միաժամանակ գրվում է, որ միջադեպը սկսվել է այն բանից հետո, երբ ոստիկանները կանգնեցրել են մոտոցիկլիստի, իսկ անցնող վարորդներից մեկը փորձել է նրանցից հետաքրքրվել, թե ինչ է պատահել: Ոստիկանները ասել են, որ նա շարունակի ճանապարհը, սակայն վարորդը շարունակել է հարցնել, թե ինչ է պատահել: Առաջացել է վեճ, որը հանգեցրել է բախման:

Տեղի ունեցածն առայժմ ընդհանուր առմամբ հայտնի է այդ մանրամասներով: Վրաստանի ներքին գործերի նախարարությունը պաշտոնական բացատրություն այս պահին գոնե չի ներկայացրել: Սակայն, արդեն կա աղմուկը, և այն որոշակի թափ արդեն հավաքել է և կծավալվի տեղեկատվական տիրույթում, ակնհայտորեն աշխատելով հայ-վրացական հարաբերության դեմ: Եվ դա մի բավական հատկանշական պահի, երբ Հայաստանը ՄԱԿ-ում փաստացի առաջին անգամ դեմ չի քվեարկել Աբխազիայի և Հարավային Օսիայի վերաբերյալ վրացական բանաձևին՝ տեղահանված վրացիների վերադարձի մասին: Հայաստանն այդօրինակ բանաձևին միշտ քվեարկել է դեմ: Դա իհարկե ունի երկու պատճառ: Մեկը բնականաբար Ռուսաստանն է, և գուցե գլխավորը:

Բայց, միաժամանակ կա, իհարկե, Արցախի հարցն ու ադրբեջանական մոտեցումը, իբրև թե իրենց տեղահանվածների վերադարձի մասին: Եվ Երևանն այդ իմաստով դեմ քվեարկելով վրացական բանաձևերին, առաջնորդվել է Բաքվի համար նախադեպ չստեղծելու տրամաբանությամբ:
Մյուս կողմից, սակայն, Երևանը մշտապես հանդես է եկել դիրքորոշմամբ, որ Արցախի հակամարտությունը, ինչպես որևէ այլ հակամարտություն, առանձնահատուկ է և դրանք չպետք է որևէ կերպ համեմատվեն կամ նույնացվեն: Ըստ այդմ, Երևանն իր այդ դիրքորոշմամբ կարող է զգալիորեն ազատ լինել այլ հարցերում դիրքավորման համար, քանի որ Արցախի հարցը բացարձակապես տարբեր է աբխազական, օսական, և ընդհանրապես որևէ այլ հակամարտությունից:

Եվ այստեղ գործնականում առավել կարևոր է շեշտադրումը հայ-վրացական հարաբերության վրա, հաշվի առնելով դրա ռազմա-քաղաքական կարևորության, և այդ կարևորության անընդհատ աճի հանգամանքը: Այդ իմաստով, հունիսի 4-ին ՄԱԿ-ում կատարած քվեարկությամբ Հայաստանը կարևոր ժեստ է արել, և ոչ թե Վրաստանի ուղղությամբ, այլ ընդհանրապես ռեգիոնալ անվտանգության տրամաբանության մեջ կարևոր ժեստ:
Միևնույն ժամանակ, այդ ժեստը առաջին հերթին պետք է գնահատի Վրաստանը, ընդ որում իր անվտանգային միջավայրի ամբողջական գնահատման համատեքստում: Որովհետև այդ միջավայրում Հայաստանն ունի առանցքային դեր և նշանակություն, ինչի մասին մենք խոսել ենք բազմաթիվ անգամներ: Հայկական ռեգիոնալ գործոնը, այդ թվում նաև ջավախքահայությունը, Թբիլիսին չպետք է դիտարկի անվտանգային ռիսկ, այլ հակառակը՝ անվտանգային կարևոր բաղադրիչ:
Պարզապես, այստեղ հույժ կարևոր է փոխադարձ վստահության կայուն միջավայրի ձևավորումը, ինչը սակայն չի ստացվում ակնհայտորեն: Որոնք են պատճառները, թե Երևանը, թե Թբիլիսին թերևս պետք է ուսումնասիրեն խորությամբ: Սակայն աներկբա է, որ Հայաստանի աննախադեպ քվեարկությունից հետո Ախալքալաքում տեղի է ունենում և համացանցային տարածում ստանում մի իրադարձություն, որը ամենևին չի բխում թե Հայաստանի, թե Վրաստանի շահից ու անվտանգությունից: Դա հարվա՞ծ է Հայաստանի քվեարկությանը: Որտեղի՞ց է հարվածը, կամ ո՞ւմ ձեռքով կամ մտքով»,-գրում է թերթը:

Նյութն ամբողջությամբ կարդացեք թերթի այսօրվա համարում:


Մեկնաբանություններ


Համընկնող լուրեր