Այս հայտնագործությունը օգուտ կբերի թոքերի ոչ մանր բջջային քաղցկեղով բոլոր հիվանդներին
Թոքերի քաղցկեղը քաղցկեղի ամենամահացու ձեւն է, որից ամբողջ աշխարհում մահանում է մոտ 1,8 միլիոն մարդ:Այս հիվանդության բուժումը վերջին տարիներին բարելավվել է, եւ Էդիթ Քոուենի համալսարանի նոր ուսումնասիրությունը ցույց է տվել, թե ինչպես կարելի է այն ավելի արդյունավետ դարձնել:
Իմունոթերապիան դարձել է հիմնական զենք թոքերի ոչ մանր բջջային քաղցկեղի դեմ պայքարի համար, որը կազմում է թոքերի քաղցկեղի բոլոր ախտորոշումների 80-85 տոկոսը:
Ցավոք, իմունոթերապիան կարող է նաեւ հանգեցնել լուրջ կողմնակի բարդությունների պացիենտների մոտ՝ նրանց առնվազն 74 տոկոսն իմունիտետի հետ կապված անբարենպաստ ռեակցիաներ է ունենում:
21 տոկոսի մոտ զարգացնում է 3-րդ կամ 4-րդ աստիճանի տոքսիկություն, որը կարող է հանգեցնել ցմահ բարդությունների՝ ազդելով մաշկի, աղիքների, լյարդի կամ էնդոկրին համակարգի վրա:
Այս կողմնակի ազդեցությունները կարող են հանգեցնել նրան, որ քաղցկեղի բուժումը դադարեցվի, ինչը հղի է հիվանդության հետագա առաջընթացով:
Հետազոտության ղեկավար, դոցենտ, Էդիթ Քոուենի համալսարանի Ստույգ առողջության կենտրոնի աշխատակից Էլին Գրեյը իմունոթերապիան նկարագրել է որպես «երկսայրի սուր», սակայն գիտնականները որոշիչ բեկում են կատարել:
Հետազոտության բանալին մարդու լեյկոցիտների անտիգեններն են կամ HLA-ն, որոնք մարմնի բջիջների մեծ մասում հայտնաբերված մարկերներ են:
Իմունային համակարգը HLA-ն օգտագործում է, որպեսզի որոշի, թե որ բջիջները կան եւ որոնք չկան մարմնում, եւ դրանք ազդանշանային համակարգի մի մասն են, որը հայտնաբերում է վիրուսները, վարակները եւ քաղցկեղը:
Հետազոտական թիմն ուսումնասիրել է թոքերի ոչ մանր բջջային քաղցկեղով 179 պացիենտների HLA-ն եւ հայտնաբերել ամուր կապ HLA-ի գենետիկական բաղադրության եւ իմունոթերապիայից կողմնակի ազդեցությունների հավանականության միջեւ:
Հետազոտության ղեկավար դոկտոր Աֆաֆ Աբեդը կարծում է, որ այս հայտնագործությունը օգուտ կբերի թոքերի ոչ մանր բջջային քաղցկեղով բոլոր հիվանդներին, անկախ նրանից՝ նրանք գենետիկորեն հակված են իմունոթերապիայի կողմնակի ռեակցիաների, թե ոչ:
Հետազոտության արդյունքները հրապարակվել են European Journal of Cancer ամսագրում։
