Բայրաքթարները օգտակար էին Ադրբեջանի համար ՀՀ-ի հետ բախման ժամանակ, բայց ոչ՝Մոսկվայի և Կիևի պատերազմում
Ռուսաստանն ատում է «Բայրաքտարները»՝ հզոր անօդաչու սարքերը, որոնք ունակ են գտնել և ոչնչացնել թշնամու զրահամեքենաները, գրում է Forbes-ը։ Այս անօդաչու թռչող սարքերն օգտակար էին Ադրբեջանի համար Հայաստանի հետ բախման ժամանակ, սակայն Ուկրաինային, որը գնել է այդ անօդաչուները Թուրքիայից, նրանք չեն օգնի Ռուսաստանի հետ պատերազմում, վստահ է հոդվածի հեղինակը։«20 անօդաչու թռչող սարքը բավարար չէ Ուկրաինայի ռազմաօդային ուժերին, որոնք զինված են մոտ 125 մարտական ինքնաթիռներով։ Ռուսաստանի Օդատիեզերական ուժերը կարող են հարյուրավոր ինքնաթիռներ օգտագործել Ուկրաինայի վրա հարձակման դեպքում։
Ռուսաստանը Հայաստան չէ, իսկ ՌԴ-ի և Ուկրաինայի միջև հավանական պատերազմը կլինի շատ ավելի լայնածավալ և ինտենսիվ, քան Ադրբեջանի և Հայաստանի միջև 2020-ին տեղի ունեցած բախումը, որը կարելի է անվանել «ցածր ինտենսիվության հակամարտություն»:
Հայերը երկու, միգուցե երեք Բայրաքտար էին խոցել 2020-ին։ Հայերը փորձեցին, բայց չկարողացան միջամտել ու խանգարել Բայրաքտարների ուղղորդող խմբերին «Կրասուխա-4» էլեկտրոնային պատերազմի համակարգերի միջոցով:
Բայց ռուսական բանակն ավելի շատ հակաօդային պաշտպանության և էլեկտրոնային պատերազմի միջոցներ ունի քան հայկականը, և դրանք ավելի հզոր են։ Ռուսաստանն ունի հազարավոր օդը ծածկող զենքեր, ինքնագնաց զենիթային զենքեր և «поверхность — воздух» հրթիռներ։
Ուկրաինայի վրա ռուսական հարձակմանը, անշուշտ, կնախորդեն ավերիչ հրետանային ռմբակոծությունները, ծովից և օդից արձակվող թևավոր հրթիռները և ցամաքային բալիստիկ հրթիռները:
Եվ քանի որ ռուսներն ատում են Բայրաքթարները, այդ անօդաչու սարքերը, ինչպես նաև նրանց կառավարման մեքենաները, հաղորդիչները և օպերատորները, անկասկած, լինելու են ոչնչացման առաջնահերթ թիրախներ», - գրում է հոդվածի հեղինակը:
