Ինչ խնդիրներ կարող են առաջանալ հանգստի բացակայության հետևանքով

Հանգիստը մարդու հիմնական պահանջմունքներից է, որի ժամանակ վերականգնվում է և՛ հոգեկան, և՛ ֆիզիկական ուժը։ Կարելի է ասել՝ անհրաժեշտություն է գոյատևման համար։ Հետևաբար, առողջության պահպանման ռեսուրս է։

 

Երբ ժամանակ ենք հատկացնում հանգստին, կարգավորվում է հուզական վիճակը, ամրապնդվում՝ սթրեսակայունությունը, բարելավվում է հարաբերությունների որակը, փոխվում է արդյունավետությունը և երջանկության զգացողությունը։

 

Հանգստի բացակայությունը կարող է հանգեցնել հյուծվածության, մեծացնել առողջական խնդիրների (հատկապես հոգեմարմնական դրսևորումների) առաջացման ռիսկը, ընկճել ինքնավստահությունը, թուլացնել մոտիվացիան։

Օրգանիզմին անհապաղ հանգիստ է պետք, երբ առկա է, օրինակ՝

·Ուրախության բացակայություն և այլն։

Հանգիստը անհրաժեշտ է առողջության, ռեսուրսների թարմացման, աշխատունակության, արդյունավետության բարելավման համար։ Ու քանի որ հանգստի շրջանում ավելի շատ ժամանակ ենք ունենում ինքներս մեր մասին հոգ տանելու, այդ կերպ նվազեցնում ենք սթրեսի մակարդակը։ Գաղտնիք չէ, որ մշտական լարվածությունը, սթրեսները ընդունակ են նպաստել տարբեր խնդիրների դրսևորմանը (օրինակ՝ գլխացավ, մարսողական խնդիրներ, անքնություն, ջերմություն)։ Ուստի, հանգիստը արդյունավետ և առողջ կյանքի առանցքային ասպեկտներից է։ Այն հնարավորություն է տալիս կյանքի ուղին շարունակել նոր գաղափարներով, ոգևորվածությամբ, դրական էմոցիաներով։