12:59 - Քոչարյանն օգտվում է պաշտոնաթող նախագահի համար ՀՀ Սահմանադրությամբ նախատեսվա գործառութային անձեռնամխելության երաշխիքից.Դատարան         12:50 - Սպանություն՝ սաֆարովյան ձևով.փորձել է քնած մարդու վիզը կտրել, դանակը կոխել է դոշի մեջ, այն ծռվել է.«Արթիկ» ՔԿՀ–ում կատարվածի մասին      12:49 - Ռասիստական նոր դրսևորում՝Ադրբեջանի կողմից. սա ևս անհանգստացնող է    

13 մայիս 2019 13:03

Պետպատվերով բուժվողների հատկացումներն բարձրացնելուց հետո էլ եթե որևէ բժիշկ նրանցից գումար պահանջի...


ՀՀ առողջապահության նախարար Արսեն Թորոսյանը Հոգեկան առողջության պահպանման ազգային կենտրոնում ամփոփում է իր պաշտոնավարման մեկ տարին: Խոսելով հոգեբուժարաններում բռնության դեպքերի մասին, ասաց, որ հնարավորության սահմաներում վերահսկվում է ամեն ինչ, նման դեպքեր չեն արձանագրվել, իսկ առանձին դեպքերը, որտեղ լինում են բռնություն պացիենտի հանդեպ, պատժվում են:
Անդրադառնալով առողջապահական ոլորտում կոռուպցիոն երևույթներին՝ նշեց, որ չի բացառում ոլորտում կա կոռուպցիա, սակայն մեկ նկատառում արեց. «Այն բժիշկը, որ հիվանդի հարազատից, թեկուզ հենց պացիենտից, հայցում է որոշակի գումար, ես դա ոլորտի կոռուպցիա չեն համարում, այլ՝ ապօրինի եկամուտ: Այդ երևույթը կա: Եթե այդ դեպքերը արձանգրվում են կոնկրետ մարդկանց կողմից, նրանք պատժվում են»,- ասաց նախարարը՝ հավելելով, որ իրադարձությունները ցույց են տվել, որ իրենց 100 տոկոսով չի հաջողվել վերացնել կոռուպցիան, սակայն այդ ուղղությամբ բոլոր քայլերն արվում են: «Կոռուպցիայի դեմ պայքարում ենք երկու ֆրոնտով՝ կանխարգելում՝ համակարգերի ներդրման միջոցով և պատժում»,- շարունակեց նա:
Անդրադառնալով պետպատվերի շրջանակում բուժվող քաղաքացիների խնդիրներին և այդ ծրագրով գործող բուժհաստատությունների ծառայությունների որակին, տրամադրվող բուժօգնությանը, Ա. Թորոսյանը նշեց. «Հաջորդ տարի, եթե բյուջետային հայտը գոհացնի և մեր ցանկությունները հաջողեն, ապա պետպատվերով բուժվող հիվանդների գներն այնքան կբարձրացնենք, որ որևէ բժիշկ նրանցից լրացուցիչ գումար չի ուզի, իսկ եթե այդ դեպքում էլ ուզեն, ես դա կհամարեմ խիստ հանցագործություն»,- ասաց նախարարը:
Այնուհետև անդրադարձ եղավ Գարդասիլին.  «Ինձ հասկանալի է այն մոտիվը, որով որ ուռճացվում է այս թեման, որովհետև շատ բան չի մնացել կպնելու, հիմա էլ որոշել եք վերադառնալ այս հարցին, խաղալ մարդկանց նուրբ լարերի հետ: Պատասխանը հետևյալն է, ՀՀ-ն որոշել է պայքարել արգանդի վզիկի քաղցկեղի դեմ, ինչպես աշխարհի շատ երկրներում, քանի որ այս հիվանդությունը տարեկան 120 կնոջ կյանք է տանում, և դրվել է պապիլոմա վիրուսի դեմ պատվաստանյութ, կոնկրետ այս դեպքում՝ Գարդասիլ 4-ը: ՀՀ-ն շարունակելու է իր քայլեն այդ ուղղությամբ և շարունակելու է փրկել կյանքեր՝ անկախ անհիմն գնահատականներից»,- անդրադառնալով Գարդասիլ պատվաստանյութի հետ կապված տարակարծություններին, այսօր մամուլի ասուլիսում ասել է ՀՀ առողջապահության նախարար Արսեն Թորոսյանը:«Ես հերքում եմ, որ կա որևէ հիմնավորված կասկած այդ պատվաստումը չանելու...2007-ին, երբ ես դեռ երեխա էլ չունեի, որոշել էի, որ եթե ունենամ աղջիկ, և եթե Հայաստանում հասանելի չլինի այդ պատվաստանյութը, վերցնելու եմ, իրեն տանեմ այն երկիրը, որտեղ այդ պատվաստանյութը կիրառվում է, և իրեն պատվաստելու եմ այդ երկրում: Բարեբախտաբար, երբ ես լսեցի Հայաստանն էլ է անելու այդ պատվաստումը, ես շատ ուրախացա»,- ասաց նախարարը՝ հորդորելով, որ այս թեմայի հետ կապված՝ մարդկանց տեղեկացնել երկու բանի մասին՝ «անհիմն վախերի և հիմնավոր փաստերի»:








Մեկնաբանություններ

Համընկնող լուրեր